پرويز مشرف کو واپس آکر قانون کا سامنا کرنا چاہيے،وزیرقانون thumbnail

پرويز مشرف کو واپس آکر قانون کا سامنا کرنا چاہيے،وزیرقانون

وفاقی وزیر قانون اعظم نذیر تارڑ کا کہنا ہے کہ حکومت سابق صدر پرویز مشرف کی وطن واپسی کیلئے سہولت فراہم کرنا چاہتی ہے۔

اسلام آباد ميں سپريم کورٹ بار کے صدراحسن بھون کے ہمراہ پريس کانفرنس کے دوران اعظم نذیر تارڑ کا کہنا تھا کہ پرویزمشرف کو سزاہوئی تھی وہ واپس آئیں،عدالت انکے معاملے کو دیکھے۔

وزیرقانون اعظم نذیر تارڑ کا کہنا تھا کہ پرویز مشرف کو واپس آکر قانون کا سامنا کرنا چاہيے۔

اس موقع پر صدر سپریم کورٹ بار احسن بھون کا کہنا تھا کہ مشرف کی سزا معطلی کیخلاف اپیل سپریم کورٹ سماعت کیلئے مقررکرے، مشرف کے خلاف قانون کےمطابق کارروائی ہونی چاہیے۔

وزیر قانون نے یہ یقین دہانی بھی کرا دی کہ وہ جسٹس قاضی فائز عیسیٰ کیس میں اصلاحی نظرثانی کے حوالے سے وزیراعظم سے بات کریں گے۔

اعظم نذیر تارڑ کا کہنا تھا کہ جسٹس فائز کیس کے معاملے پر سفارش کروں گا کہ یہ معاملہ کابینہ کے آئندہ اجلاس میں رکھا جائے۔

Leave a Reply

Your email address will not be published.