کراچی میں آج رات بارش کی پیش گوئی thumbnail

کراچی میں آج رات بارش کی پیش گوئی

محکمہ موسمیات نے 24 گھنٹوں کے دوران کراچی میں بادل برسنے کی پیش کوئی کی ہے۔

سما سے گفتگو میں ڈائریکٹر میٹ آفس سردار سرفراز کا کہنا تھا کہ پیر 7 فروری کو شہر کا مطلع کبھی مکمل اور کبھی جزوی ابرآلود رہے گا۔ کراچی میں آج رات سے بادل برسنے کا امکان ہے، جب کہ مختلف علاقوں میں ہلکی بارش اور بوندا باندی ہوسکتی ہے۔

ترجمان کے مطابق بارش کا سلسلہ کل منگل تک جاری رہے گا، بارش کے بعد شہر کے درجہ حرارت میں کمی کا امکان ہے۔

کراچی میں پیر کے روز کم سے کم درجہ حرارت 16.5 ڈگری سینٹی گریڈ ریکارڈ کیا گیا۔

محکمہ موسمیات کے مطابق شہر میں صبح سے شمال مغرب سے ہلکی ہوائیں چل رہی ہیں اور ہوا میں نمی کا تناسب 85 فیصد ہے۔

موسمیاتی حکام کے مطابق شہر میں ہلکی دھند کی وجہ سے صبح کے اوقات میں حد نگاہ 3 کلو میٹر ریکارڈ کی گئی۔

Leave a Reply

Your email address will not be published.